"The Unequal Marriage"

မင်မင်အနေနဲ.မြင်ပြီးတာနဲ.တစ်ပြိုင်နက်ထဲစိတ်ထဲကထုတ်လို့မရတဲ့ပန်းချီကားများစွာရှိပါတယ်။ဒါပေမယ့်ယခုပန်းချီကားကတော့ "The Unequal Marriage" လို့ခေါ်ပါတယ်။ 19 ရာစုတွင်ထင်ရှားကျော်ကြားခဲ့သောရုရှားအနုပညာရှင် Vasili Vladimirovich Pukirev ၏ထင်ရှားသောဆီဆေးပန်းချီဖြစ်သည်။1862 ခုနှစ်တွင် ဖန်တီးခဲ့သော ဤပန်းချီကားသည် သတို့သမီးနှင့် သတို့သားအကြားကွဲပြားခြားနားမှုများကိုထင်ရှားစွာပြသနေသလို အနုပညာဖြင့် အဆိုပါခေတ်ကာလ၏ လူမှုရေးရာစံနှုန်းများအပေါ်ဝေဖန်ထားပါသည်။

"The Unequal Marriage"မင်္ဂလာပွဲကို အမှောင်ဖျော့ဖျော့ဘုရားကျောင်းအတွင်းမှခမ်းနားသောမင်္ဂလာပွဲအခိုက်အတန့်ကိုရေးဆွဲထားပါသည်။

အဓိကဇာတ်ဆောင်နှစ်ဦးကတာ့ ငယ်ရွယ်သော သတို့သမီးနှင့် သက်ကြီးသတို့သားဖြစ်ပြီးအသက်အရွယ်နှင့် အပြုအမူကိုချက်ချင်းသိသာစေမှာပါ။သတို့သမီး Praskovya Matveevna Varentsona သည် ရိုးရာအဖြူရောင် မင်္ဂလာဝတ်စုံနှင့်ခေါင်းဆောင်းနဲ.လက်ယာဘက်မှာလှပစွာရပ်နေပါတယ်။ သူမမျက်နှာကတော့ကြမ်းပြင်ဆီကိုငုံ့ထားပြီး ဝမ်းနည်းနေတဲ့ပုံစံရှိကာ သူမလက်တစ်ဖက်မှာတော့မီးထွန်းညှိထားတဲ့ ဖယောင်းတိုင်တစ်တိုင်ကိုလျော့တိလျော့ရဲကိုင်ဆောင်ထားပြီးလက်တစ်ဖက်ကိုတော့ဆန်.ထုတ်ထားပါသည်။ ဘယ်ဘက်မှာတော့ သက်ကြီးသတို့သား ရင်ဘက်တွင်တံဆိပ်များတပ်ထားသောဝတ်စုံကိုဝတ်ဆင်ထားကာ လက်ထဲမှာဖယောင်းတိုင်ကိုင်ဆောင်ထားပြီးသတို့သမီးဖြစ်သူကိုစောင်းကြည့်နေပါသည်။

 

အခမ်းအနားမှုးအဖြစ်ပြုလုပ်မယ့်သင်းအုပ်ဆရာတော်က ပန်းချီကား၏ ဘယ်ဘက်တွင် မတ်တပ်ရပ်ကာ သတို့သမီးငယ်ဆီအပြန်အလှန်ပြောဆိုဆက်ဆံနေပြီး သူရဲ.မျက်နှာဟာအရိပ်များ ဖုံးလွှမ်းနေသည့်အတွက် မြင်ကွင်းတစ်ခုလုံး၏ ဆွဲငင်အားသဖွယ်ဖြစ်စေပါသည်။ဘုန်းတော်ကြီးဟာ ကုန်းပြီး ရှေ.ကိုထွက်နေတာ
ကြောင့်အမှောင်ရိပ်ကျနေသလိုဖြစ်နေသည့်အတွက် ပန်းချီဆရာက လက်ထပ်ပွဲကိုရှုတ်ချနေသည့်သူတော်စင်ကိုရည်ညွှန်းတာလည်းဖြစ်နိုင်ပါသည်။

သတို့သမီးငယ်ကတော့ သူမရဲ.ခေါင်းကိုငုံထားကာ သူမရဲ.အိမ်ထောင်ရေးကိုသဘောမကျတဲ့ပုံကိုဖော်ပြနေသလို သူမမျက်လုံးတွေရဲ.ဖောင်းနေပြီးရဲနေတာကြောင့် သူမအနေနဲ.မကြာခင်က သို့မဟုတ် မျက်ရည်ထပ်မံကျလုဆဲဆဲဖြစ်နေပါသည်။

သတို့သမီးဟာအသက်ငယ်ပုံပေါက်သလို အပြစ်ကင်းစင်ပြီးငယ်ရွယ်မှုကိုရည်ညွှန်းသည့်သဘောဖြင့် ပန်းချီဆရာက အခြားစုတ်ချက်များထက်စာလျှင်ပိုမိုသေးငယ်သောစုတ်ချက်များကိုအသုံးပြုထားပါသည်။ သူမဟာ လူမှုအသိုင်းအဝိုင်းများစံနှုန်းများရဲ.သားကောင်ဖြစ်သလို အိမ်ထောင်ရေးနဲ.ပတ်သက်သည့်မျှော်လင့်ချက်များရဲ.သဓါးစာခံသားကောင်ဖြစ်နေတာကိုရည်ညွှန်းပါသည်။ သတို့သမီးဟာ ဖယောင်းတိုင်ကိုဘယ်ဘက်နဲ.လျော့တိလျော့ရဲကိုင်ထားတာကြောင့် သူမအဝတ်ပေါ်ဖယောင်းစက်တွေကျနေသလိုဒီအခမ်းအနားနဲ.ပတ်သက်တဲ့သူမရဲ.ခါးတီးမှုနဲ.ဝမ်းနည်းမှုတွေကိုဖော်ပြနေပါတယ်။ 

သတို့သမီးဟာညာဘက်ကိုသင်းအုပ်ဘုန်းတော်ကြီးဆီဆန်.တန်းပေးတာဟာ ဘုန်းတော်ကြီးအနေနဲ.လက်ထပ်လက်စွပ် သူမလက်ကိုယူဆောင်လာတာဖြစ်တာကြောင့် သူမရဲ.ကံကြမ္မာကို လက်ခံလိုက်ခြင်း သို့မဟုတ် လျစ်လျှုရှုတာလဲဖြစ်နိုင်ပါသည်။  

 အခြားတစ်ဖက်မှာသတို့သားကတော့မြင့်မားတဲ့ကော်လံလိုမျိုး သူရဲ.ခေါင်းကိုတည့်တည့်မတ်မတ်ထားကာသတို့သမီးကိုမျက်လုံးမှေးမှေး၊မျက်နှာထားထန်ထန်နဲ.စိုက်ကြည့်လျက်ရှိနေပါသည်။ သတို့သားဟာဈေးကြီးတဲ့ဝတ်စုံကိုဝတ်ဆင်ထားပြီး အောက်ခံအဖြစ်  girdle or corset ကိုယ်ကျပ်ဝတ်စုံဝတ်ဆင်ထားနိုင်ဖွယ်ရှိပြီးချမ်းသာကြယ်ဝမှုကိုဖော်ပြနေပါသည်။       ထိုအပြင်သတို့သားဟာ

 the Order of Saint Vladimir(စစ်မှုထမ်းခြင်းအတွက်ချီးမြှင့်ခံရသော)တံဆိပ်ကိုဂျာကင်အပေါ်တွင်ဝတ်ဆင်ထားသည့်အတွက် အရပ်သားဘက်ရောစစ်ဘက်ဆိုင်ရာဘက်ပါအာဏာရှိသောအဆင့်အတန်းကိုဖော်ပြနေပါသည်။ သို့သော်အဆိုပါဆုတံဆိပ်များသည် မင်္ဂလာပွဲကျင်းပနေသော ချာ့ချာ်ကျောင်းနှင့်မသက်ဆိုင်နေသလိုဖြစ်နေကာ သတို့သားအနေဖြင့်သတို့သမီးကိုအာဏာအလွဲသုံးစားလုပ်ပြီးအရယူသည့်သဘောကိုဆောင်နေပါသည်။ 

ဘုန်းတော်ကြီးနောက်ကွယ်နဲ.သတို့သားဘေးခြမ်းမှ ပန်းသရဖူနှစ်ခုကိုခပ်ရေးရေးမြင်ရမည်ဖြစ်ပြီး ဘုန်းတော်ကြီးနောက်မှ ပန်းခွေသရဖူသည်ပျောက်ကွယ်လုနီးပါးခပ်ရေးရေးသာမြင်ရပြီး သတို့ဘေးမှပန်းသရဖူသည်ပိုမိုထင်ရှားကာမြူသဖွယ်ခပ်သော့သော့ရေးသားထားသောအမျိုးသမီးတစ်ဦးသည်ပန်းသရဖူဆောင်းထားပြီးသတို့သား၏မျက်နှာကိုသာစိုက်ကြည့်နေသည့်အမျိုးသမီးတစ်ဦးပါဝင်လျက်ရှိသည်။ အဆိုပါအမျိုးသမီးများသည် သတို့သမီး၏ပန်းခွေသဖူရကဲ့သို့ပန်းသဖူမျိုးကိုဆောင်းထားသလို တစ်ဦးမှာအဖြူရောင်ဂါဝန်ဝတ်ထားသည်ကိုမြင်ရမည်ဖြစ်ပြီးအခြားတစ်ဦးမှာပျောက်ကွယ်လုနီးပါးဖြစ်သည့်အတွက် အဖြူရောင်ကိုသာဝတ်ဆင်နိုင်သည်ဟုခန်.မှန်းရပါသည်။ အမျိုးသမီးနှစ်ဦးကိုသေချာစွာရေးဆွဲထားခြင်းမရှိသည့်အတွက်ကွယ်လွန်ခဲ့ပြီဖြစ်သောသတို့သား၏ဇနီးဟောင်းများကိုရည်ညွှန်းဖွယ်ရှိပါသည်။

ဇနီးမောင်နှံရဲ.ဘေးမှာတော့ တက်ရာက်သူများ၊ကြည့်ရှုသူများနဲ.ဝန်းရံနေသလို မျက်နှာအနေအထားများအရ ဥပက္ခာပြုထားတဲ့မျက်နှာအနေအထားကနေ သိချင်စိတ်ပြင်းပြနေတဲ့မျက်နှာထားတွေအထိရှိနေပါတယ်။

အခမ်းအနားကိုစောင့်ကြည့်နေသူများအထဲတွင် မင်္ဂလာပွဲအပေါ်ကျေနပ်မှုပုံမရသောအမျိုးသားတစ်ဦးရှိနေပြီးအဆိုပါသူမှာ ပန်းချီဆရာ Vasili Pukirev နှင့်ဆင်တူနေပါသည်။

 Vasili Vladimirovich Pukirev ၏"The Unequal Marriage" ဟူအမည်ရသော ပန်းချီကားသည် 19 ရာစုရုရှားလူ့အဖွဲ့အစည်းအပေါ်ပြင်းထန်သောဝေဖန်ထောက်ပြချက်တစ်ခုဖြစ်ပြီး ၁၉ရာစုနှစ်များ ရုရှားလူအဖွဲ.အစည်းအတွင်း ငယ်ရွယ်သောအမျိုးသမီးများနဲ. အသက်ကြီးပြီးချမ်းသားသောအမျိုးသားများကိုစီမံအိမ်ထောင်ချပေးလေ့ရှိသည့်အလေ့အကျင့်ကြောင့်ဖြစ်ပေသည်။ ပန်းချီကား၏ပြယုဂ်မှာ သတို့သမီးငယ်၏အခက်အခဲကိုသိသာစွာထောက်ပြလျက်ရှိနေသလို ကြည့်ရှုသူများအတွက် စာနာသနားစိတ်ကိုလှုံဆော်ပေးနိုင်ပါသည်။ ချာ့ကျောင်းအပြင်အဆင်၊ သတို့သားနှင့်သတို့သမီးတို့၏မျက်နှာအနေအထားများနှင့်တကွကြည့်ရှုသူများ၏အနေအထားများစွာသည် ပန်းချီဆရာမှ ကြည့်ရှုသူများကို လူမှုရေးမညီမျှမှုများ၏ဓါးစာခံများနှင့်တကွအိမ်ထောင်ရေးအသွင်အပြင်ကိုဖော်ပြနေပါသည်။"The Unequal Marriage" သည် 19 ရာစုရုရှားလူ့အဖွဲ့အစည်းတွင် ခိုင်မာစွာအမြစ်တွယ်လျက်ရှိသော အိမ်ထောင်ရေးမညီမျှမှုများ၊ အာဏာအသွင်အပြင်နှင့် လူမှုရေးမျှော်လင့်ချက်များအပေါ်ကို ခေတ်သစ်မှလူများအတွေးအမြင်များကိုဖော်ဆောင်ဖို့ရာလှုံဆော်ပေးနေပါသည်။ ။

ပန်းချီဆရာ Vasili Vladimirovich Pukirev (Василий Владимирович Пукирев) သည်လက်တွေ့ဆန်သော စတိုင်နှင့် လူမှုအသိုင်းအဝိုင်းဆိုင်ရာ အကြောင်းအရာများကို စိတ်အားထက်သန်စွာ စူးစမ်းလေ့လာခြင်းကြောင့် လူသိများသည့် ရုရှားပန်းချီဆရာတစ်ဦးဖြစ်သည်။